नेपालमा कोरोना संक्रमित सङ्ख्या २४३ पुग्यो , भर्खरै थपिए २४ जना

काठमाडौं, ३१ बैशाख । नेपालमा पुनः २४ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका अनुसार यो संगै नेपालमा संक्रमितको २ सय ४३ पुगेको छ ।

थपिएकाहरुमा रुपन्देही, कपिलवस्तु, पर्सा, नवलपरासीका छन् ।

त्यस्तै  प्रदेश नम्बर ५ का जिल्लामा कोरोना सङ्क्रमितको सङ्ख्या बढेसँगै गुल्मी जिल्ला पाँच दिनका लागि सिल हुने भएको छ ।  जिल्ला प्रशासन कार्यालय गुल्मीले बिहीबार बिहान ६ बजेदेखि ५ गते मध्यरातिसम्म जिल्ला सिल गर्ने जनाएको छ ।

एम्बुलेन्स, शव वाहन, मृत्यु संस्कार, विद्युत्, सञ्चार  र इन्धनबाहेकका गाडी जिल्ला भित्रन र बाहिरिन नदिने स्थानीय प्रशासनले जनाएकाे छ । बिरामी भएको अवस्थाबाहेक सर्वसाधारण घरबाहिर ननिस्कने, सहकारी र वित्तीय संस्था बन्द हुनेछन् । अत्याश्यक सामग्री किन्नको लागि बिहान ११ बजेदेखि १ बजेसम्म सामाजिक दुरी कायम गरेर पसल खोल्न मिल्ने प्रमुख जिल्ला अधिकारी भरत शर्माले प्रकाशित गर्नुभएकाे विज्ञप्तिमा उल्लेख छ ।

Loading...
प्रकाशित मिति ३१ बैशाख २०७७, बुधबार १४:२६