भोक लाग्यो सरकार काम गरि खान देउ : ट्याक्सी चालक

काठमाडौं १६ असार / लकडाउनका कारण समस्यामा परेको भन्दै ट्याक्सी व्यवसायीहरु आन्दोलनमा उत्रिएका छन् । मंगलबार बिहान नयाँबानेश्वर–तीनकुने सडकखण्डको किनारमा ट्याक्सी पार्क गरेर प्लेकार्डसहित ट्याक्सी व्यवसायीहरु शान्तिपूर्ण प्रदर्शनमा उत्रिएका हुन् ।

ट्याक्सी चालक तथा व्यवसायीहरुले ‘रोगले होइन, भोकले मर्ने भइयो सरकार’, घरबेटीले कोठा भाडा माग्यो सरकार’, ‘कि हामीलाई गरिखान देऊ, कि हामीलाई कामको व्यवस्था गरिदेऊ’, लगायतका नारा लेखिएका पर्चा शरीरमा टाँसेका छन् ।

सरकारले कोरोना संक्रमणको जोखिम रहेको भन्दै सार्वजनिक यातायातका साधन चलाउन रोक लगाएको छ ।

सोमबार साँझ बसेको मन्त्रिपरिषद् बैठकले लकडाउनको अहिलेको मोडललाई साउन ७ गतेसम्म निरन्तरता दिने निर्णय गरेको छ ।

Loading...
प्रकाशित मिति १६ असार २०७७, मंगलवार ०४:४५