दिलिपकी छोरी चलचित्र ‘लक्का जवान’मा डेब्यु गर्दै ?

हास्य कलाकार शिवहरी पौडेलले केही हास्य टेलिशृङ्खला त निर्देशन गरिसकेकै हुन् । तर उनी अब कलाकार मात्र नभएर ठुलो पर्दाको चलचित्र निर्देशकको रूपमा पनि दर्शकमाझ आउने भएका छन् ।

उनको निर्देशनमा बन्न लागेको फिल्म ‘लक्का जवान’ को आइतबार राजधानीमा हास्य कलाकार किरण केसीको जन्मदिनको अवसरमा घोषणा गरिएको थियो । चलचित्रका सह-निर्माताको रूपमा किरण र अभिनेता दिलीप रायमाझी रहनेछन् । आमा बङ्गालमुखी फिल्म प्रोडक्सन प्रा.लि.को ब्यानरमा निर्माण हुने ‘लक्का जवान’मा ध्रुव पन्त र अनुसुया श्रेष्ठ पन्तको लगानी रहनेछ ।

कलाकार र अन्य प्राविधिक पक्षबारे पछि जानकारी दिने निर्माण पक्षले बताएको छ । तर चलचित्र निर्माण घोषणासँगै चलचित्रमा अभिनेता दिलीप रायमाझीकी छोरी दिव्यालाई डेब्यू गराउने हल्ला फिल्म वृत्तमा चल्न थालेको छ । यस सम्बन्धी जानकारी दिँदै निर्देशक पौडेल दिव्यालाई फिल्मबाट डेब्यू गराउने पहल गरेको र केही दिनमा टुङ्गो लाग्ने बताउँछन् ।

अमेरिकामा रहेकी दिलीपकी छोरी अभिनयमा इच्छुक रहेको तर अहिल्यै डेब्यु गर्ने नगर्ने उनले आधिकारिक जानकारी दिन बाँकी रहेको खुलेको छ ।

Loading...
प्रकाशित मिति १६ असार २०७६, सोमबार ११:०८