रवि लामिछानेलाई थप २० दिन थुनामा राख्न माग, बहस जारी

चितवन। चितवन प्रहरीले चितवन जिल्ला अदालतसँग रवि लामिछाने, युवराज कँडेल र अस्मिता कार्कीमाथि अ नुसन्धान पूरा नभएको जनाउँदै उनीहरुलाई थप अनुसन्धानको लागि २० दिन हि7रासतमा राख्न माग गरेको छ । सरकारी वकिल कार्यालयमार्फत प्रहरीले यस्तो माग गरेको हो ।

यसअघि शुक्रबार यी तीनै जना अभियुक्तलाई अदालत पेश गरिएको थियो । शुक्रबार थुनछेकको बहसपछि अदालतले ५ दिन अनुसन्धानको लागि हिरासतमा राख्न अनुमति दिएको थियो । त्यो समय हिजो सकिएको छ । आज प्रहरीले २० दिन हि-रासतमा राख्न माग गरेको छ । आज प्रहरीले मागेको समय प्रहरीले हि रासतमा राख्न पाउने अधिकतम समय हो ।

यदि प्रहरीले आज २० दिन हि-रासतमा राख्ने अनुमति पाएमा अर्को पटक अदालत पेश गर्दा अदालतले या त उनीहरुलाई छाड्ने आदेश दिनुपर्ने हुन्छ या त जे ल चलान गर्नुपर्ने हुन्छ । प्रहरीले कुनै पनि अभियुक्तलाई २५ दिन भन्दा बढी हि रासतमा राख्न पाउँदैन । २५ दिन पूरा भएपछि अभियुक्तलाई छाड्ने वा जे ल चलान गर्ने दुई विकल्प मात्र बाँकी रहन्छन् ।

अदालतमा थुनछेकको बहस जारी छ । आज अदालतको कार्यालय समय सकिँदासम्ममा यस विषयमा आदेश आउने अपेक्षा गरिएको छ । भित्र बहस चलिरहँदा बाहिर समर्थकहरु आदेशको प्रतिक्षामा छन् । दलहरुले अराजक आन्दोलनमा संलग्न नहुन निर्देशन दिएपछि आजको समर्थकहरुको भीड हिजो अस्तीभन्दा संयमित देखिएको छ । भरतपुरको मालपोत चोक, चौबीसकोठी चोक र अदालतअगाडि रविको पक्षमा निरन्तर भाषण र प्रदर्शन भइरहेका छन् ।

Loading...
प्रकाशित मिति ३ भाद्र २०७६, मंगलवार ०८:५६