बैशाखी टेकेर रबिलाई फूलमाला लगाइदिन अदालत गेटमा पुगिन प्रहरीकै श्रीमती,(भिडियो)

काठमाडौं / भिडियोमा देखिएकी यि महिला सुरक्षाकर्मीको श्रीमती हुन् । एकातिर रवि लामिछाने जिल्ला प्रहरी कार्यालय चितवनको हिरासतमा ११ दिन देखि बसीरहेका छन् । उनलाई प्रहरीले प क्राउ गरेर हिरा सतमा राखिरहेको छ । तर उनै प्रहरीका श्रीमतीहरु भने रवि लामिछानेको समर्थमा उत्रिएका छन् ।

रवि लामिछानेको समर्थनमा निस्किएको र्यालीमा त्यस्ता थुप्रै महिला होलान् जुन सुरक्षाकर्मीका परिवारका सदस्यहरु छन् । एक जना महिला यस्ती छन् जुन रविका समर्थनमा अग्रपंक्तिमा छन् ।

आफ्नो नाम सरु बताउने यि महिलाको घर भरतपुर नै हो । उनी रवि लामिछाने प क्राउ परेदेखि नै चितवनमा भइरहेको रविको समर्थनको र्या लीमा दिनहुँ सहभागी हुन्छिन् । आइतवार रवि लामिछानेको दोस्रो पटक थपिएको म्याद सकिने भएकाले रिहा हुने आशमा फूलमाला लिएर आएकी सरु साँझ माला लगाउन नपाई फर्किइन् । रवि लामिछानेको थु नछेकको वहस सोमवार सुरु भएपछि उनी आज फेरी फूलमाला लिएर रवि लामिछानेको स्वागतका लागि उभिएकी छन् ।

सुरक्षाकर्मीको परिवार भएर पनि रवि लामिछानेको समर्थनमा उत्रिएकी उनलाई युट्युव च्यानलहरुले पछ्याएका छन् । उनले आफ्नो श्रीमानलाई पनि रवि लामिछाने निर्दोश भएको भन्दै दोशी नबनाउन आग्रह गरेको बताइन् ।

उनलाई श्रीमानले रविको समर्थनमा नहिड्नु भनेर गरेको आग्रह भने उनले स्वीकार गरिनन् । उनी आफु अशक्त छन् । शारिरीक रुपमा अशक्त भएका कारण रविको समर्थनमा निस्किएको र्याली र प्रदर्शनमा सहभागी हुन सक्दिनन् त्यसैले फूलको माला लिएर टाढा बसेर रविको प्रतिक्षा गरिरहेकी छन् ।

उनले रवि लामिछानेको श्रीमतीका लागि पनि अर्को फूलको माला लिएर बसेको बताइन् । उनले रवि लामिछाने हिँजो आइतवार पनि फूलको माला लिएर बसेकी थिइन् । रवि सहित अस्मिता र युवराजको लागि पनि उनले माला ल्याएको बताइन् । भिडियोमा हेर्दा पनि देख्न सकिन्छ शारिरीक रुपमा अशक्त उनी वैशाखीमा टेकेर उभिरहेकी देखिन्छिन् ।

हिँजो उनले रवि लामिछानेलाई प्रत्यक्ष पनि भेट्न पाएको बताइन् । रविलाई भेट्न उनी शौचालयको अगाडी गएर बसेकी थिइन् । रवि लामिछाने शौचालय आएर फर्केपछि उनले रविलाई बोलाएर नमस्ते भनेर बोलाएको बताइन् । अन्य समर्थकले भेट्न नपाउँदा पनि उनले भने प्रहरी कार्यालय भित्र प्रवेश पाएको बताइन् ।

Loading...
प्रकाशित मिति ९ भाद्र २०७६, सोमबार ०९:२८