पाल्पामा भारी वर्षा जनजीवन प्रभावित

पाल्पा । केहीदिन देखी मौसममा आएको परिवर्तनका कारण पाल्पामा चिसो बढेको छ । बिहान देखी अविरल रुपमा परिरहेको पानीका कारण जनजजीवन कष्टकर बन्न पुगेको छ ।

अत्याधिक चिसो बढेपछि जनजीवन कष्टकर बन्दै गएको हो। चिसाका कारण बजार क्षेत्र समेत सुनसान बन्न पुगको छ । चिसोका कारण वृद्धवृद्धा, बालबालिका तथा गरिखाने वर्ग बढी प्रभावित भएका छन्।

अन्य समाचार

चरिकोट : नेपाल भ्रमण वर्ष २०२० लाई लक्षित गरेर कालिञ्चोक दर्शन लिमिटेड दोलखाले केबलकारमा ४० प्रतिशत छुटको अफर ल्याएको छ । पुस १६ गतेदेखि दोलखा, सिन्धुपाल्चोक र रामेछाप गरी ३ जिल्लाका नागरिकका लागि केवलकारमा ४० प्रतिशत छुटको अफर ल्याएको हो । भ्रमण वर्षको निश्चित अवधिका लागि ४० प्रतिशत छुट दिइएको कालिञ्चोक दर्शन लिमिटेडका कार्यकारी प्रमुख अशोक शिवाकोटीले जानकारी दिए।

यसअघि पाँचसयको टिकट लिएर केबलकारको सेवा उपलब्ध हुनेमा ४० प्रतिशत छुटपछि तीनसयको टिकट लिएर आवतजावत गर्न सकिने कार्यकारी प्रमुख शिवाकोटीले जनाए ।

उनको अनुसार सो योजना हरेक हप्ताको सोमबार र बुधवार मात्र लागू हुनेछ । केबलकारबाट यात्रा गर्ने सबै उमेर समूहका यात्रुलाई सो छुटको व्यवस्था गरिएको कम्पनीले जनाएको छ ।

छुट पाउनको लागि दोलखा, सिन्धुपाल्चोक र रामेछाप जिल्लाबासी भएको परिचयपत्र अनिवार्य गरिएको कम्पनीले जनाएको छ । ३८४२ मिटरको उचाइमा अवस्थित कालिञ्चोक भगवतीको दर्शनका लागि भञ्ज्याङबाट कालिञ्चोक मन्दिरसम्म पुग्न केबलकार सञ्चालनमा आएको थियो।

Loading...
प्रकाशित मिति १८ पुष २०७६, शुक्रबार ०३:०२