एका बिहानै गयो ठूलो भुकम्प , स्थानिय भागाभाग

बझाङ /बझाङमा बिहीबार बिहान भूकम्प गएको छ ।

बिहीबार बिहान ५ बजेर ५९ मिनेटमा तल्कोट गाउँपालिकाको मेलबिसौँना केन्द्रबिन्दु भएर ३ दशमलव ८ म्याग्निच्युडकाे भूकम्प गएको भूकम्प मापन केन्द्र सुर्खेतले जनाएको छ ।

अहिले भूकम्प गएको ठाउँमा फोनसम्पर्क विच्छेद भएकाे छ ।

अन्य समाचार

रेखा थापाले निर्माण गर्ने नयाँ फिल्ममा अभिनेताद्वय सौगात मल्ल र दयाहाङ राई अनुबन्धित भएका छन् । माघे संघ्रन्तीको अवसर पारेर रेखाले सौगात र दयालाई रेखा फिल्मसको छैठौं फिल्ममा स्वागत गरेको खबर सार्वजनिक गरेकी हुन् ।

शिर्षक तय हुंन बाँकी फिल्मलाई सविर श्रेष्ठले निर्देशन गर्नेछन् । ‘राम प्यारी’ पछि रेखा र सविरले यो प्रोजेक्टमा सहकार्य गरेका हुन् भने रेखा, सौगात र दयाले पहिलो पटक एकसाथ काम गर्न लागेका हुन् । रेखा र दयाले भने फिल्म ‘निर फुल’मा सँगै काम गरेका छन् । सौगातसँग रेखाको पहिलो स्क्रिन सेयर हो ।

फिल्मको पटकथा एंव संवाद जगदिश्वर थापाले लेखिरहेका छन् । सिनेम्याटोग्राफर पुरुषोत्तम प्रधान हुन् । गीत तथा संगीत छनोट कार्य भैरहेको रेखाले बताइन् । बैशाखबाट छायाँकन सुरु गरेर ०७७ सालको लक्ष्मी पूजामा दर्शकमाझ मल्टीस्टारर फिल्म ल्याउने रेखाले बताइन् ।
उसो त रेखाले यसअघि रेनशा वान्तवा राईलाई फिल्म निर्देशन गर्ने जिम्मेवारी दिएकी थिइन् । तर, रेनशा होम प्रोडक्सनकै फिल्ममा व्यस्त भएपछि रेखाले नयाँ कथामा सविरलाई निर्देशनको जिम्मा दिएर नयाँ फिल्म अघि सारेकी हुन् ।

सौगात मल्ल र दयाहाङ राई जस्ता अभिनयमा पोख्त र दर्शकका प्रिय कलाकारसँग काम गर्न आफैं पनि उत्साहित रहेको रेखाले बताइन् । ‘सौगात र दयासँग मेरो केमेस्ट्रीलाई लिएर म आफैं पनि उत्साहित छु । दर्शकहरुमा पनि मेरो जस्तै उत्साह पैदा भएको हुनुपर्छ’, रेखाले भनिन्, ‘यस पटक फुलको प्याकेजमा फिल्म बन्नेछ ।’

नेपाली फिल्म क्षेत्रमा आ-आफ्नै पहिचान बनाएका रेखा थापा, सौगात मल्ल र दयाहाङ राईको टिमअप कस्तो होला त ? दर्शकहरुका लागि यो सप्राइज हुन सक्छ । आउँदो सालको तिहारसम्म प्रतिक्षा गरौं ।

प्रकाशित मिति २ माघ २०७६, बिहीबार ०२:४४