यस्तो छ आजको मौसम : कतै वर्षा कतै हिमपात

काठमाडौ / मौसम पूर्वानुमान महाशाखाको मौसम पूर्वानुमान प्रकाशित बुलेटिन अनुसार अहिले नेपालको पुर्वी भू–भाग नजिक निम्न चापीय प्रणाली रहेको छ ।

हाल देशको मध्य तथा पुर्वी पहाडी भू–भागमा आशिंक देखि सामान्य बदली रही मध्य तथा पुर्वी तराई भू–भागमा हुस्सु–कुहिरो लागिरहेको छ। पश्चिमी भू–भागको थोरै स्थानहरुमा हुस्सु–कुहिरो लागिरहेको छ।

आज दिउँसो देशको पूर्वी भू–भाग लगायत मध्य पहाडी भू–भागमा आंशिक देखि सामान्य बदली रही बाँकि भू–भागमा आंशिक बदली रहनेछ ।

पुर्वी तथा मध्य पहाडी भू–भागका एक दुई स्थानमा अपरान्ह पश्चात हल्का बर्षाको सम्भावना रहेको छ। आज राती देशको पहाडी भू–भागमा आंसिक बदली रहि बाँकी भू–भागमा मौसम सामान्यतया सफा रहनेछ।

Loading...
प्रकाशित मिति १७ माघ २०७६, शुक्रबार ०२:१९