कोरोना बारे भ्रम फैलाउने १ जना पक्राउ

सुर्खेतमा सामाजिक सञ्जाल फेसबुकबाट कोरोना भाइरसबारे भ्रम फैलाउने एक जनालाई पक्राउ गरेको छ । सामाजिक सञ्जालको प्रयोग गरी कोरोनाबारे भ्रम फैलाएको आरोपमा वीरेन्द्रनगर–८ कालुञ्चोक निबासी धर्मराज आचार्य पक्राउ परेको हो ।

आचार्यले फेसबुकमा ‘सुर्खेतमा पनि कोरोना देखियो पुष्टि हुन बाँकी’ भन्ने स्टाटस लेखेकाले पक्राउ गरेको जिल्ला प्रहरी कार्यालय सुर्खेतले जनाएको छ । पक्राउ परेका आचार्यलाई कारबाही गर्न अनुसन्धान प्रक्रियाअघि बढाइएको प्रहरीले जनाएको छ ।

अर्को प्रेम विवश नामक फेसबुक प्रयोग कर्ताको खोजी भईरहेको पनि प्रहरीले जनाएको छ । ‘लेकबेँसी नगरपालिका– १ मा एक जनामा कोरोना देखियो’ भनेर फेसबुकमा पोस्ट गर्नेको खोजी कार्य भईरहेको प्रहरीले जनाएको छ ।

त्यस्तै काठमाडौँ, ३ बैशाख । कागेश्वरी मनोहरा नगरपालिका पेप्सीकोलास्थित सनसिटी अपार्टमेन्टका दुई जनामा कोभिड–१९ को सङ्क्रमण पुष्टी भएपछि त्यहाँ र्‍यापिड टेस्ट (आरडीटी) शुरु गरिएको छ । अपार्टमेन्टभित्र सङ्क्रमित व्यक्तिका नजिकको सम्पर्कमा आएका र विभिन्न खालका स्वास्थ्य समस्या भएकाको पहिले परीक्षण भइरहेको छ ।

अपार्टमेन्टभित्रका दीर्घरोगी को को छन् भनी पहिचान गर्न त्यहाँको व्यवस्थापन समितिले सहयोग गरिरहेको छ । कतिपय दीर्घरोगी उपचारका लागि अस्पताल जानुपर्ने भए पनि परीक्षण गरेर ‘नेगेटिभ’ नआएसम्म जान नसक्ने हुँदा उनीहरुलाई प्राथमिकता दिइएको नगर प्रमुख कृष्णहरी थापाले बताए ।

स्वास्थ्य सेवा विभागको टोली बिहान ९ बजे अर्पाटमेन्ट आइपुगेको थियो । नगरपालिकामा रहेका स्वास्थ्यकर्मी पनि सहभागी रहेको नगरपालिकाले जनाएको छ । बढी आवश्यक देखिएका व्यक्तिको पहिले परीक्षण भएपछि सङ्क्रमित व्यक्ति बस्दै आएको ‘ए ब्लक’ मा बसोबास गर्नेहरुको परीक्षण हुनेछ । उनले भने,’त्यसपछि अरू ब्लकको पनि परीक्षण गरिनेछ ।’

अपार्टमेन्टमा बसोबास गर्ने सबै र अपार्टमेन्ट बाहिरकाले समेत आफूहरुको परीक्षण गर्नुपर्ने माग गरेका छन् । अपार्टमेन्ट नजिकमा रहेका पसल र घरले समेत आफू सङ्क्रमितको सम्पर्कमा आएको हुनसक्ने भन्दै परीक्षण गर्नुपर्ने माग गरेको प्रमुख थापाले बताउनुभयो । अपार्टमेन्टभित्र बसोबास गर्नेको परीक्षण सकिएपछि त्यस बाहिरका बैङ्क, पसल, एटीएमलगायत स्थानका व्यक्तिको पनि परीक्षण हुनेछ ।

Loading...
प्रकाशित मिति ३ बैशाख २०७७, बुधबार ०८:४०